སྒེར་སྡེ་གོང་འཕེལ།

སྒེར་སྡེ་གོང་འཕེལ།

སྒེར་སྡེ་ཟེར་མི་འདི་ གཞུང་དང་འབྲེལ་གཏོགས་མེད་པར་ མི་ངོ་ཅིག་དང་ ཡང་ན་ལས་སྡེ་ཅིག་གིས་འཛིན་སྐྱོང་འཐབ་མི་ རྒྱལ་ཁབ་ཀྱི་དཔལ་འབྱོར་ལམ་ལུགས་ཀྱི་ཡན་ལག་ཅིག་ཨིན། (Ben Lutkevich, 2022). Bhutanese Chambers of Commerce and Industry (2021) གིས་ རྒྱལ་ཁབ་ནང་འཁོད་དང་ལུང་ཕྱོགས། དེ་ལས་ རྒྱལ་སྤྱིའི་ཚོང་ལས་སྡེ་ཚན་དང་ གཞུང་དང་འབྲེལ་བ་མེན་པའི་ལས་ཁུངས། ཚོང་ལཱ་འབད་མི་ཚུ་ག་ར་ སྒེར་སྡེ་ནང་ལུ་ཚུདཔ་ཨིན་ཟེར་བཤད་དེ་འདུག།

སྒེར་སྡེ་གོང་འཕེལ་འདི་ཡང་ དུས་ཀྱི་འགྱུར་བ་དང་འཁྲིལ་ཏེ་ རྒྱལ་ཁབ་ནང་ལུ་ཁག་ཆེ་ཤོས་ཅིག་ལུ་འགྱུར་དོ་ཡོདཔ་ཨིན། སྒེར་སྡེ་གིས་ རྒྱལ་ཁབ་ནང་ལུ་ དཔལ་འབྱོར་གྱི་ཐོག་ལས་ཕན་ཐོགསཔ་རྐྱངམ་གཅིག་མེན་པར་ གཞན་གོ་སྐབས་ཡང་ལེ་ཤ་བྱིནམ་ཨིན། དེ་ཡང་ Dorji Wangchuk (2020), གིས་བཤད་མི་ནང་ སྒེར་སྡེ་གོང་འཕེལ་གྱིས་ ན་གཞོན་ཚུ་ལུ་གཡོག་གི་གོ་སྐབས་ཡང་བྱིནམ་མ་ཚད་ བཟའ་ཚང་གི་སྲུང་སྐྱོབ་དང་འོང་འབབ་ཚུ་ཡང་བྱིནམ་ཨིན་པས། འདི་བཟུམ་སྦེ་ར་ སྒེར་སྡེ་གོང་འཕེལ་གྱིས་ ཚོང་ལས་ནང་ལས་ཕར་ གསར་གཏོད་ཀྱི་ཐབས་ཤེས་དང་ གལ་ཆེ་ཤོས་ར་ རྒྱལ་ཁབ་ཀྱི་འོང་འབབ་ཚུ་ ཁ་སྐོང་འབག་འོངམ་ཨིན་པས། ད་རུང་ཡང་ Career Guide (2020) གིས་བཀོད་མི་ནང་ སྒེར་སྡེ་གོང་འཕེལ་གྱིས་ གཡོག་གི་ས་སྟོང་བཟོ་ནིའི་ནང་ འགན་ཁུར་ཚུ་ཧིང་ལས་འབག་སྟེ་ ལཱ་འབདཝ་ཨིན་ཟེར་ཨིན་མས། འདི་ཡང་ སྒེར་སྡེ་ཅིག་ཨིནམ་ལས་ དམིགས་གཏད་འདི་ར་ འོང་འབབ་བཟོ་ནི་འདི་ཨིན་ནི་འདི་གིས་ སྒེར་སྡེ་གོང་འཕེལ་འདི་ རྒྱལ་ཁབ་ནང་གལ་ཅན་ཅིག་ཨིན་པས།འབྲུག་རྒྱལ་ཁབ་འདི་ ད་ལྟོ་ཡར་རྒྱས་འགྱོ་བའི་བསྒང་ཨིན་མིའི་རྒྱལ་ཁབ་ཅིག་འབདཝ་ལས་ འགྲོ་འགྲུལ་དང་ཚོང་བཙོང་སའི་ས་གོ་ཚུ་གི་ གདོང་ལེན་ཚུ་འབྱུངམ་ཨིན་མས། དེ་ཡང་ Country Partnership Strategy: Bhutan (2018) གིས་བཤད་མི་ནང་ འབྲུག་རྒྱལ་ཁབ་ནང་ལུ་ སྒེར་སྡེ་ཚུ་ཡར་རྒྱས་གཏང་ནི་ལུ་ གདོང་ལེན་སྦོམ་ཤོས་ར་ ཚོང་ཚུ་བཙོང་ནི་གི་ས་གོ་དང་ འཁོར་ལམ་ལེགས་ཤོམ་མེད་མི་འདི་ཨིན་པས། དེ་མ་ཚད་ ང་བཅས་རའི་རྒྱལ་ཁབ་ནང་འཁོད་ལས་ ས་གོ་འདི་ནང་དགོ་པའི་རིག་རྩལ་ཅན་གྱི་ལས་མི་མ་ལངས་པའི་གདོང་ལེན་ཚུ་འབྱུང་དོ་ཡོདཔ་ཨིན་པས།

རྒྱབ་རྟེན་དཔེ་ཐོ།

Bhutanese Chambers of Commerce and Industry. (2021). Private Sector Development – The Way Forward. Retrieved from: https://www.bcci.org.bt/wp-content/uploads/2021/02/19-6-2014-PSD-Final-Report.pdf

Career Guide . (2020, February 25). Retrieved from What Is the Private Sector? Definition and Examples: https://www.indeed.com/career-advice/career-development/private-sector

Country Partnership Strategy: Bhutan. (2018).Private Sector Assessment. Retrieved from: https://www.adb.org/sites/default/files/linked-documents/cps-bhu-2014-2018-psa.pdf

Lutkevich, B. (2022). Private Sector. Retrieved from: https://www.techtarget.com/whatis/definition/private-sector#:~:text=The%20private%20sector%20is%20the,known%20as%20the%20public%20sector

Wangchuk, D. (2020, June 6). Supporting private sector growth for our economic well-being. Kuensel. Retrieved from: https://kuenselonline.com/supporting-private-sector-growth-for-our-economic-well-being/#:~:text=It%20plays%20an%20important%20role,to%20the%20economy%20should%20increase.