ཨོ་རྒྱན་རྡོ་རྗེ།

འབྲུག་ལུ་གསུང་སྙན་ཀ་ལ་པིང་ཀ་བཟུམ་ཡོད་མི་ ཡོངས་གྲགས་ལུ་ཨོ་རྒྱན་པཱན་དྲི་ཟེར་མི་འདི་བཀྲ་ཤིས་སྒང་ལས་ཨིན་པས། ཁོ་ར་སློབ་གྲྭ་ཆུང་བའི་ཤེས་ཡོན་འདི་ ཡོན་ཕུག་ལ་སློབ་གྲྭ་ཆུང་བ་ནང་ལས་མཐར་འཁྱོལ་ནུག། དེ་ལས་ འབྲིང་རིམ་སློབ་གྲྭ་འདི་འཇིགས་མེད་ཤེས་རབ་གླིང་ལས་མཐར་འཁྱོལ་ནུག། ཁོ་རའི་མཐོ་རིམ་སློབ་གྲྭ་འདི་ཤེས་རབ་རྩེ་ལས་ ས་ཆ་རིག་པའི་ནང་ལས་མཐར་འཁྱོལ་ནུག།

ཨོ་རྒྱན་གྱིས་ཞབས་ཁྲ་འཐེན་ནི་འདི་ ཁོ་ར་ཆུང་ཀུ་སྦེ་སྡོད་པའི་བསྒང་ལས་ར་དགའ་ཤོས་ཅིག་ཨིན་པས། འདི་ཡང་ཁོ་ར་ཆུང་ཀུ་སྦེ་སྡོད་པའི་སྐབས་ཁོ་གི་ཧིན་དྷི ་ཨིང་ལིཤ་ དེ་ལས་བེལ་པོའི་ཞབས་ཁྲ་ཚུ་ ཉན་ནི་དང་འཐེན་ནི་ལུ་སྤྲོ་བ་བསྐྱེད་དེ་འདུག། ཁོ་གི་ཨིང་ལིཤ་ཞབས་ཁྲ་འཐེན་ནི་ལུ་སྤྲོ་བ་བསྐྱེད་ཚུགས་མི་འདི་ ཁོ་རའི་ཨ་ཞེམོ་གིས་སེམས་ཤུགས་བསྐྱེད་བཅུག་ཅི་ཟེར་ཨིན་མས། སྤྱི་ལོ་ ༢༠༠༩ ཀྱི་ལོ་ལུ་ཁོ་གི་གློག་བརྙན་ནང་ལུ་ཞབས་ཁྲ་འགོ་དངཔ་འཐེན་ནུག།

ཨོ་རྒྱན་ཁོ་ར་མཐོ་རིམ་སློབ་གྲྭ་མཐར་འཁྱོལཝ་ཅིན་ ན་གཞོན་གོང་འཕེལ་མ་དངུལ་ནང་ལུ་འཛུལ་ཞུགས་འབད་དེ་ཕྱག་ཞུ་ནུག། ཨིན་རུང་ ཤུལ་ལས་ཁོ་རའི་སྤྲོ་བ་འདི་ ལཱ་གཡོག་ནང་ལུ་ཕྱག་ཞུ་ནི་མེན་པར་ ཞབས་ཁྲ་ལུ་ཨིནམ་ཤེས་ཏེ་ ཁོ་ར་ཞི་གཡོག་ནང་ལས་དགོངསམ་ཞུ་སྟེ་ སྙན་ཆའི་སྡེ་ཚན་ཅིག་བཟོ་སྟེ་ འདི་ནང་ལུ་སྤྲོ་བ་བསྐྱེད་དེ་ལཱ་འབད་ནུག། ཁོ་གིས་བཟོ་ཡོད་པའི་སྙན་ཆའི་སྡེ་ཚན་ “འབྲུག་ hope” ཟེར་མི་འདི་ནང་ལུ་ ཁོང་མི་ངོམ་ ༥ སྡོད་ནུག། ཨོ་རྒྱན་གྱིས་སླབ་མི་ནང་ ཁོ་གིས་ཞི་གཡོག་ནང་ལས་དགོངསམ་ཞུ་སྦེ་ ཁོ་གིས་དགའ་མིའི་ལཱ་ལུ་སྤྲོ་བ་བསྐྱེད་དེ་ གདམ་ཁ་རྐྱབ་མི་ལུ་བློ་འགྱོད་དང་སེམས་ཕམ་མེད་ཟེར་ཨིན་པས།

ཨོ་རྒྱན་ཁོ་ར་གློག་བརྙན་ “འབྲུག་རྟེན་” ཟེར་མི་ནང་ལུ་ཡང་བརྩེས་ནུག། ཨོ་རྒྱན་ཁོ་ར་ཞབས་ཁྲ་འཐེན་ནིའི་ནང་ལུ་མཁས་མཆོག་ཅིག་འབདཝ་ལས་ འབྲུག་པའི་ཞབས་ཁྲ་ ༡༠༠་ལས་བཅད་དེའཐེན་ནུག།

རྒྱབ་རྟེན།

འབྲུག་གི་གློག་བརྙན། (༢༠༡༧) ཨོ་རྒྱན་pandey། https://www.movies.bt

འབྲུག་རྒྱང་གྲགས་ལས་རིམ། (༢༠༡༤) ཨོ་རྒྱན་དང་དྲི་བ་དྲིས་ལེན།https://www.bbs.com